សម្តេចតេជោ ហ៊ុន សែន ប្រាប់ក្រុមអ្នកនយោបាយអាក្រក់ឲ្យរក្សាភាពជាមនុស្ស
សម្ដេចតេជោ បានឲ្យដឹងថា នៅមុននេះបន្តិច ក្រុមជនអាក្រក់ដែលនៅបរទេសក៏បានចូលមកប្រមាថដល់សម្ដេចគតិព្រឹទ្ធបណ្ឌិតថែមទៀត ក្នុងពេលដែលក្រុមគ្រួសារកំពុងមានទុក្ខ។ សម្ដេចតេជោបានផ្ដាំទៅឲ្យជនទាំងនោះថាបើសិនជាមេរបស់ពួកគេមិនមានភាពជាមនុស្សសូមឲ្យពួកគេរក្សាភាពជាមនុស្សផង។
សម្ដេចថា៖ «មុននេះបន្តិចក្រុមអាក្រក់នៅក្រៅប្រទេសថាភរិយាខ្ញុំកំពុងមានជម្ងឺជាទម្ងន់ក្នុងពេលដែលភរិយាខ្ញុំមិនបានឃ្លាតឆ្ងាយពីប្អូនស្រីតាំងពីមុនចែកឋានរហូតមកនៅក្នុងក្តារម្ឈូស។ ខ្ញុំចង់ប្រាប់ទៅជនអាក្រក់ថាបើមេរបស់អ្នកអាក្រក់សូមអ្នករក្សាខ្លួនជាមនុស្សនិងខិតខំរក្សាសុខភាពរបស់អ្នកជាជាងមករករឿងគ្រួសារខ្ញុំ។ ពិតជាអាក្រក់កែមិនបានទាំងមេទាំងកូនដែលគ្មានសារជាតិជាមនុស្សសោះ»៕
